龍婷澳門個唱預告甄敏芳任嘉賓夢想紅館舞台開騷

龍婷今日（23日）出席《龍婷旅程巡迴音樂會澳門站》宣傳活動，她接受訪問表示以前有去過澳門登台表演，大讚澳門葡式美食馬介休球很好吃。被問到演唱會是否有快歌環節，她透露會有跳舞環節：「我想唱一啲80年代嘅串燒歌，我以前都未唱過，大家會鍾意聽又會鍾意跳。」講到是否有意唱鄭秀文經典金曲《星秀傳說》，她說：「我十幾歲嘅時候有唱過呢首歌，我前幾日入戲院，有諗過會唱呢隻歌。」

至於會否考慮邀請嘉賓，她笑言：「我之前演唱會都冇請過嘉賓，今次同團隊有認真諗過呢樣嘢，所以諗住搵一個澳門嘅靚女做嘉賓，就係《聲秀》參賽者甄敏芳(Jenny)，我鍾意佢唱王菲嘅歌。」談及譚輝智和羅啟豪6月份即將會在紅館開演唱會，她說：「開紅館都係我嘅夢想，但我諗暫時未得住，分開十場做或者開紅館其實都幾好。」

開直播賺外快

講到最近《中年好聲音》的參賽者陸續宣布離巢，外界指因為是競爭比較激烈，工作量相對較少，她回應：「呢樣嘢係出面嘅表面現象，常人都會咁樣諗嘢。但我就係調轉嚟諗，我唔會話係好主動嗰種，但我會喺演唱會籌備期間，搵時間做吓直播，最近香港可以做抖音直播，之前係唔可以㗎！」她指靠開直播增加曝光率，現階段獲得不少內地工作機會。