黃宗澤操腿操到崩潰教練：下次仲想玩咩？

黃宗澤(Bosco)去年與汪明荃(阿姐)、朱茵、蔡少芬、鄭希怡、蔡潔等拍攝邵氏新劇《風華背後》，一眾演員於4個多月的拍攝時間內建立深厚友誼。日前，Bosco與《風華背後》劇組演員敘舊後，到健身室積極操肌，為接下來的馬拉松作準備。昨日(22日)他在社交網晒出一張照片，不過並非晒麒麟臂及結實腹肌，反而大放黑圖，見他整個人趴在地上，被健身教練死命壓腿拉筋，Bosco表情瞬間扭曲，十足接受「酷刑」。

網民：唔使客氣，狠狠操佢對腳

Bosco自嘲寫道：「教練一出手，我已經失去表情管理能力！麻煩有無人可以幫我P返個好少少嘅樣俾我！」不過，網民沒有同情反而笑不停，並紛紛留言：「教練，唔使客氣，狠狠操佢對腳！」、「仲可以得起手機，即係仲頂得順！」健身教練亦有留言表示：「哈哈，見你咁用心練跑，身為教練，點可以唔隨時為你做好準備呀，你下次仲想玩咩？」Bosco 即直言：「玩躺平！」