無綫真人騷《魔音女團》今日（23日）在將軍澳電視城舉行記者會，並公布16位練習生名單。俞可程、鄧凱文和王汛文接受訪問期間發揮搞笑本色一起唱《煎熬》。俞可程被問到選拔期間唱《煎熬》掀起網民討論熱潮，她說：「除咗令網民震驚，其實都震驚咗我，我未去訓練，所以仲未進步。」講到有網民建議唱《死了都要愛》，她說：「其實呢一首容易啲，我都有試過，因為呢個係男Key，所以高音我係上到嘅，睇吓節目有冇機會會唱俾大家聽。」
俞可程、鄧凱文和王汛文接受訪問期間發揮搞笑本色一起唱《煎熬》。（娛樂組攝）
王汛文成功入圍勁開心
王汛文對於能夠入圍感到相當開心，她說：「可以鍛鍊到我唱歌技巧，同埋舞台表現力，上到舞台嘅時候好多時候係唔夠自信，我好希望可以學到點樣Carry舞台嘅能力。」
談及魔音會否嚇到追求者，鄧凱文表示：「其實本身就係零嘅，都冇追求者，不過魔音之後的確冇乜男仔搵我，本身都會搵我傾幾句偈嘅，但自從魔音之後真係直線下降，仲要封鎖埋我WhatsApp。」俞可程則笑言近日收到很多朋友邀請約唱K，並表示：「一打電話俾我就喺度唱心已經跳緊呢一句。」王汛文指自己比較擅長唱歌，若果加入Rap的元素會更加好。被問到三位是否有女團夢，她們異口同聲表示並沒有。
ADVERTISEMENT
至抵會員價，名額有限，請火速訂位！
