有網民在社交平台Threads發文，以「港鐵Rapper又嚟料？喺啟德睇完演唱會有無見到佢？」(Threads)
港鐵男職員Hinson去年在香港迪士尼站，以英語、粵語及普通話「Rap式」作出分流指引，在社交平台成為紅人，被封為「港鐵Rapper」。港鐵及後在社交媒體發布新扶手電梯安全宣傳短片時，更起用Hinson新作品，成為港鐵其中一icon。近日啟德舉行演唱會活動後，有網民在社交平台Threads發文，以「港鐵Rapper又嚟料？喺啟德睇完演唱會有無見到佢？」為題發文。
根據片段，Hinson手持屯馬綫加密班次的燈牌，於啟德主場館前往宋皇臺站的大直路現身，以數白欖的形式介紹資訊，「返屋企，搭港鐵，方便又快捷」、「睇完表演放晒電，你嘅支援係嗰邊」、「叉電買嘢補給電，港鐵站就係前面」。
網民留言稱欣賞Hinson，「佢真係好正，敬業樂業，字字珠璣，值得加人工」、「感受到佢好鍾意份工，完全無hea rap嘅感覺，本人聽得好開心，多謝港鐵無將佢收埋」、「有佢係度，港鐵形象升咗好多」、「好有溫度嘅提示，真心會聽下佢講乜，好過其他沉悶嘅提示」、「上個禮拜喺旺角見到佢 都好敬業」、「油麻地站見過佢本人」。
ADVERTISEMENT
請你去迪士尼樂園玩！登記攞飛！
