樓主任職機場保安，近日有一位新同事學歷是歷史系博士畢業，引發其他網民熱議。(資料圖片/圖非當事人)
現今世代學歷膨脹氾濫，即使擁有碩士、博士高學歷，惟因市場需求不足或高不成低不就，被迫轉行或接受低於專業水平的工作。有網民在社交平台表示，自己任職機場保安，近日有一位新同事，學歷是歷史系博士畢業，令他感驚訝，直言「讀到博士都要做機場保安」，帖文引發其他網民熱議。有人嘆「經濟環境唔同咗，高學歷都未必容易找到工作」，但亦有人認為「博士專才」只是「騎牛搵馬」、「邊搵工或等考公務員」、「可能佢想考海關、入境，做機會攞下經驗」、「一搵到好工咪即走囉」、「轉頭升得快過樓主」。
樓主周一(23日)在Facebook群組「裁員炒人消息關注組」發帖分享稱：「我係做機場保安嘅，今日返工嘅時候，竟然有一個博士生成為新同事。」樓主好奇詢問對方讀甚麼出身，對方答是歷史系，樓主對此不解：「真係奇怪，讀到博士都要做機場保安」。
帖文引發其他網民熱議，有人留言稱現今世代高學歷不再保證高收入，就業職位錯配被逼焗「下流」，「依家香港大把所謂嘅碩士生博士生！所謂嘅博士都好難搵到嘢做」、「冇計，馬死落地行，唔係偷唔係搶做正行」、「經濟環境唔同咗，高學歷都未必容易找到工作」、「90年代中讀歷史易揾到教書」、「連小學都話有十幾間無小一開，歷史老師都人手過盛」、「有AI讀書真係冇咩用，讀吓點樣學做人好過」、「讀博士唔係問題，讀歷史先係問題，係香港讀純文科一係去教書一係去做公務員，呢兩個選擇會係最好既出路」。亦有人稱今年市場前景不佳，「我做物管的，今年的確多左好多後生in 保安，我諗大環境唔好，讀完書難搵野做」。
「好快係你上司」
亦有網民認為「博士專才」只是「騎牛搵馬」，未來前景勢比樓主更好，「初黎報到只係過程 轉頭升得快過你」、「好快係你上司」、「因為人哋做保安會一路升上去，樓主做保安就會一世只係做保安」、「人哋騎牛搵馬做住先啫」、「絕大部分都係做幾個月或幾星期，一搵到好工咪即走囉！」、「喺機場好多職位都係由低做起，你做十幾廿年都係老散，佢有學歷可能做兩三年已經高職位過你。」、「後生仔好多都暫時做住先，邊搵工或等考公務員」、「可能佢想考海關、入境，做機會攞下經驗」、「讀錯科就要由低做起，不過人地有沙紙只要勤力一個機會就會升得好快」、「咪睇少人，人哋如果識人加高學歷，升職快過直升機」。另有人諷刺「可能熟讀孫子兵法，必成將軍」、「可能係保安公司太子呢？」、「讀咁多書把X咩！申請公屋！申請在職家庭！唔使交稅先係成功人生」。
ADVERTISEMENT
請你去迪士尼樂園玩！登記攞飛！
