丘梓謙今日（25日）出席TVB劇集 《警是個大佬》開鏡拜神，他接受訪問表示會在劇中演繹古惑仔的角色，並預告與林景程合作。他透露即將播出的新劇《正義女神》會以頹廢的造型登場，挑戰演15歲橫跨35歲的角色。
談及上星期被拍到偕同一名紋身索女現身灣仔睇展覽，疑似有新戀情，他回應：「其實呢一位都係識咗一段時間嘅朋友，咁啱嗰日電影節佢就有飛，其實佢係一個主辦方嘅朋友，咁我哋就一齊去睇。」講到早前表示與對方暫時屬於朋友關係，他笑言：「其實唔係，係我中文差啫！我都係I人，但係我出去認識多咗好多唔同嘅朋友，真係會學咗好多嘢，都會俾咗好多唔同嘅意見我。」至於會否與對方有發展空間，他表示：「而家都係好朋友，我喺廣州都有好多好朋友。（係咪女朋友？）都唔係嘅。」他強調現階段是單身，暫時會以工作為主。
丘梓謙今日（25日）出席TVB劇集TVB 《警是個大佬》開鏡拜神。（娛樂組攝）
與麥皓兒是和平分手
被問到前女友麥皓兒被指至今仍未走出情傷，他回應：「其實我哋大家一年前都已經溝通咗，之前我哋都有一齊去出席活動，有陣時有啲朋友想有啲騷邀請都會話俾大家聽。」他指現階段麥皓兒做生意為主，透露對方最近不斷去旅行。
至於與麥皓兒分手的原因，他坦言二人是和平分手：「一年前已經結束咗呢段關係，但好多時朋友都會講同埋問，驚大家講嘅時候會好尷尬，所以大家一齊出貼文同大家講。（會否考慮復合？）冇呀！因為之前拍咗拖好耐，所以想好專心去做嘢。」
ADVERTISEMENT
送健之堂舒壓好眠足湯 x 石墨烯足浴袋
