車Cam直擊｜長沙灣七人車疑轉彎失控剷上石壆　網民：呢度唔俾泊車喎 (有片)

網上流傳一段片段，顯示今日(27日)早上8時36分，一輛七人車沿荔枝角道駛往葵涌及荃灣方向，駛至近宇晴軒轉彎位時懷疑失控，剷上天橋底的花槽石壆，整架車有如泊車般擱在石𡒊上。

片主事後以「見你無事落到車行到我走先」為題發帖，形容司機並無大礙，可以自行走出車外。不少網民笑言「呢度唔泊得車」、「上山容易，落山難」，亦有網民對此表示「佩服」，感嘆「高手在民間」、「師兄手車有料，咁樣剷到上去」，不過也有網民譴責「呢啲人揸車應該要交返個牌出嚟，真係唔好害人」。