夏韶聲「吹雞」Jazz友預告天后羅玧宣與Bojan Z大會堂合作

夏韶聲於3月6及7日與有「鋼琴詩人」之稱的意大利著名鋼琴家Danilo Rea，舉行兩場《Danilo & Danny “Storytellers” 音樂會》，亦成為「荃灣有爵樂」（Jazz in the Neighbourhood，簡稱JITN）與荃灣大會堂的「場地伙伴計劃」4年來最終一項表演項目。

「荃灣有爵樂」由香港爵士樂團體「爵士世界（香港）有限公司」（Jazz World）及「起樂有限公司」籌辦。雖然「場地伙伴計劃」在3月31日剛結束，但夏韶聲認為仍可展望將來，「唔表示Jazz World完，因為Jazz World就係集合呢啲音樂人，我跟粉絲講過香港如果冇Jazz World，有很多高手同好嘅音樂，大家可能會冇緣分睇到。」

促本地樂手同外國樂手合作

Jazz World創辦人張景謙（Clarence）形容「只是暫時無家可歸」，但夏韶聲很有信心說：「暫時啫！無家可以住酒店，五星酒店住唔到，四星都住住先。」張景謙最開心自己能為音樂界出力，「有好多機會俾本地樂手同Artist跟外國樂手合作，大家互相欣賞。」夏韶聲認同表示：「因為Jazz World，我搵咗日本鼓手川口千里嚟演出我嘅《Last Summer演唱會》，都係經Jazz World做橋樑。呢幾年，樂手同擁躉都知道Jazz World好似變成一個總部，一『吹雞』就會有一班高質素嘅音樂人嚟做Show，唔係好嘢佢哋唔會介紹。

Jazz World及法國五月節有新項目製作，5月1日由「韓國爵士天后」羅玧宣與法國傳奇鋼琴家Bojan Z於香港大會堂舉行《羅玧宣 x Bojan Z爵樂香頌》。曾獲法國文化部授予「藝術與文學勳章」的羅玧宣，精通爵士樂、香頌、搖滾曲風，獨特多變的聲線演繹Björk、Nina Simone的名曲，別具韻味，這次夥拍法國爵士鋼琴家Bojan Z，將帶來東西文化匯聚於法式舞台的音樂體驗。