古天樂今日以大使身份出席《香港 Comic Con 2026》發布會，他坦言今次是香港首次搞，自己很期待，而且同事籌備了一年，盼大家多多支持。他希望可以借今次機會跟來自世界各地的創作者、原創IP交流。他更特別從自己的玩具倉帶來一比一的黑武士珍藏到場跟大家分享，透露早年在法國購入，笑言自己有時見到都好驚，所以也會用塊黑布蓋住。他表示屆時會展出十個珍藏，「因為太大件！有個Hulkbuster成層樓好高嗰隻，要拆件入去，好麻煩都無辦法。」他坦言上次已經展出過，但難免會有損傷，希望可以修補到，同時也為展品買保險。
他表示有時見到一些玩具都很心動，但玩具倉已經沒有位，自己近年沒有購入玩具，收藏品有部份是他人送贈。他說︰「呢啲係無止境，有時有啲嘢適可而止好啲。(租多個倉？)再租會變展覽廳，要開放俾人睇。」他表示有時會開放給些低收入家庭、身體有殘障人士入內參觀。
談到他推出的新歌《世紀大騙局》MV入面有多個他的角色造型，他表示最初構思時已想到用卡通片形式，「因為我做個卡通片監製，我又鍾意收藏玩具，用卡通片幾好。有呢個諗法，就可以將我以前有特色嘅角色擺入去，但去到做嘅時候就發現太多角色可以擺入去，所以依家係揀緊啲出嚟。」他指網民列的角色表全中。問到片尾見到有啟德場館，是否暗示開騷，他說︰「唔知呀！世紀大騙局嘛！」再問到是否會全公司一齊開騷，他也是說出同一答案。
對於他的MV出現了一隻貓是否有特別意思，他表示有，但會稍後會公布。他坦言現實中沒有養貓，當問到他是「貓系」還是「犬系」男子，但記者一時口誤說出「狗系」，令古天樂笑到彎晒腰。
古天樂出席《香港 Comic Con 2026》發布會。(娛樂組攝)
ADVERTISEMENT
送健之堂舒壓好眠足湯 x 石墨烯足浴袋
