何君堯《戰狼之歌》上線（影片截圖）
立法會議員何君堯有「戰狼」之稱，同佢關係密切嘅香港政研會利用人工智能為佢製作咗一首《戰狼之歌》，等佢喺動畫入面化身成「戰狼」撥亂反正。
政研會今日發布影片，話係透過人工智能製作歌曲、歌詞同動畫。喺動畫開初，何君堯喺馬路奔跑，之後變成一隻狼。動畫重現反修例事件中，水炮車出動嘅畫面，歌詞提到「裝滿水，要瞄準，發射前要先問問。要不要肥皂洗髮水，洗個澡再回家。水炮車衝擊力，比你家的按摩浴缸還強勁。夏天爽一點，冬天冷一下」。
何君堯大讚有創意
影片仲加插何君堯喺立法會發言嘅片段，之後歌詞提到唱出「撥亂反正，敢言是我的本色⋯⋯ 撥亂反正，對的事就要去做⋯⋯我並非激進，只是敢言，滿懷壯志。」何君堯向傳媒話個製作好有創意，「用咗我小小形象，同一隻戰狼合二為一，將我哋睇唔到嘅、唔正常嘅情況加以修正」。
ADVERTISEMENT
至抵會員價，名額有限，請火速訂位！
