不提供水電兩房租盤叫租「一千」 網民：唔講係XX以為係伊朗｜有圖
擁有自己的安樂窩是不少人夢想，若然未夠資金置業，租屋成為其中一個方法，而揀樓考慮因素包括預算、地區、交通、生活配套、樓齡、景觀、單位維修狀況等。網上有不少租盤提供相片供參考，最新在社交平台Threads一篇招租帖文，標明「不提供水電的租盤，兩房只租「一千」，位置；祐漢 吉祥樓，只需一按就可以」。
不過帖文附上的3張單位相片，就引來網民留言議論，皆因內櫳裝修殘舊，牆身石屎剝落情況嚴重，瓦礫雜物散落一地，更有一張已經生鏽的鐵床架，猶如身在戰地廢墟場景。該單位為澳門祐漢區吉祥樓其中一個單位，兩房間隔，而該區有不少舊樓。
帖文引來網民紛紛留言，當中有指「唔講係澳門，以為係伊朗黎」、「讀大學嗰陣時返澳門，親身嚟過祐漢呢啲單位field study，唔係人住，好心業主唔好咁折墮，咁都放租」、「訓街都好過訓依到」。樓主隨後在帖文附上「已有客睇」相片，未知單位是否成功租出。
其他網民留言：
「仲要一按，仲有野可以壞咩？」
「沉浸式德克蘭風裝潢」
「我諗業主想找個租客幫手翻新裝橫及家具」
「100都要諗下」
「每日瞓醒都可以望到出邊有太陽，感覺劫後餘生，感恩我還活着」
ADVERTISEMENT
