王嘉慧在家中雙腳離地，靠飯枱及行李箱支撐做運動，被網民鬧爆。
「東張」女神王嘉慧日前在社交平台分享於家中做運動的影片，當日她雙腳離地，僅以食飯枱及行李喼作支撐，並做出多個高難度的動作。由於王嘉慧的動作稍有不慎，便會整個人失衝跌親或撞到腰，不少網民怒轟她作為一個公眾人物為搏流量，無視安全意識，甚至擔心有人模仿她的動作，甚至有網民指王嘉慧的食飯枱也有不少隱藏問題，有網民更借以前細個爆雲石枱一事留言，亦有網民說：「張枱唔好講唔會爆，岩板/雲石暗藏好多肉眼睇唔到嘅天然裂紋，你lon住對手食飯可能無事，成個人平板咁撐住就真係睇你運數。」、「張枱承受唔到爆左佢就知死。」、「係應該直接會死，踎爆咗個坐廁冇咩分別，不過係頭同頸落張枱度」王嘉慧事後隱藏影片，但仍可以在Reels的頁面見到影片。
由於有網民發現她未有刪除影片，只是在Reels的頁面，不少網民怒轟她未有理會網民的批評，更指她作為公眾人物，甚至是「東張」女神，竟然沒有以身作則，「好地地喺地下做唔得嘅！」、「我知reformer好hit 但係唔係咁教人哋喺屋企咁做reformer 分分鐘變家居意外！」及至今日中午，王嘉慧才刪去影片。
王嘉慧出身富裕家庭，不但考入倫敦大學學院讀心理學系，並以一級榮譽及「Dean's honours list」（獲院長嘉許名單）。她回港在中大讀法律博士課程。
ADVERTISEMENT
請你去迪士尼樂園玩！登記攞飛！
