中年好聲音4｜谷婭溦暫停評審工作網民期待TVB邀張崇德

谷婭溦在《中年好聲音4》擔任評審，日前她宣布表示自己工作太忙，要暫停有關工作。由於早前張崇德曾批評過谷婭溦，加上經常在其頻道點評《中年好聲音4》，因此不少網民笑謂可以請張崇德做評審，相信會娛樂性滿分。早前車婉婉提到「以我所知就唔會係冇新鮮嘅評判」，加上她表示已錄到16強，所以她一早知道谷婭溦會暫別評審工作。

谷婭溦出PO說到：「呢段時間做《中年好聲音4》嘅評審，聽住大家用心唱歌，見證住每一位參賽者為咗夢想堅持，真係覺得好溫暖、好感動，亦都令我更加相信，唱歌呢件事，真係好有力量。而由4月開始，我嘅工作真係開始排得密密麻麻，創作、演出、其他 project 全部一齊嚟，之後嘅時間實在好難安排得兩全其美，所以經過同公司商量之後，我暫時要告別《中年好聲音4》嘅評審席喇。但暫別呢段時間，我都會繼續關注各位參賽者，大家要繼續努力呀。」

她亦在帖文中向多位合作伙伴表達謝意，包括肥媽、張佳添、周國豐、海兒及車婉婉，感謝他們在節目期間給予支持、鼓勵及專業交流，並表示希望很快再與大家見面。