《正義女神》到中環拍番外篇。（娛樂組攝）
《正義女神》今日（6日）到中環拍攝番外篇，除了有「言官」佘詩曼之外，更有周嘉洛、蔣祖曼、馬貫東及多位年青演員。阿佘今次與周嘉洛首合作，問到她對周嘉洛的表演有何評價，阿佘說：「我覺得今次合作完之後，覺得佢好認真去演每一場戲。佢好緊張今次個表現，佢平時都係一啲比較搞鬼、輕鬆啲嘅角色，但今次一反常態做一個好寡言嘅法官。我相信佢都好擔心，驚拎唔到個平衡，我見到都幾好，起碼觀眾叫睇到佢第二種表演方式，同埋佢嘅可塑性係好高。」
佘詩曼再次以「言官」身份到中環拍攝番外篇。（娛樂組攝）
問到阿佘拍攝前有沒有留意過周嘉洛，她笑謂：「冇留意佢喎，哈哈哈！」周嘉洛聞言說：「做咩問呢啲問題啫，咁樣傷害我。」阿佘笑說：「咁我梗係有睇《愛‧回家》，咁佢俾我感覺真係嘻嘻哈哈，成日都係好活躍，但佢係好認真嘅，特別係演戲嗰陣。」
早前陳煒在一些宣傳片上提到在片場見到阿佘騰寫劇本，幕後花絮也見到她在不停寫對白，阿佘表示自《宮心計》開始便有這個習慣。她說：「我有習慣就會背默我要講嘅嘢，一有時間我就會背默我要講嘅一大段嘅嘢，越寫得多幾次我就會越入路。我由上車嗰一刻，就會係咁背默，對我嚟講係好有用嘅！（有冇keep番手抄稿？）無丫，太多！好似之前拍《新聞女王》，一有紙就係咁寫，寫完就掉返落個位度。（幾時開始有呢個習慣？）基本上《宮心計》開始！」
周嘉洛送心心俾「言官」，可惜阿佘拒心，笑死在場不少人。（娛樂組攝）
點名施焯日要好好栽培
阿佘表示今次劇集重點是少年犯，「我成日都話好好嘅地方，就係可以比一班年青嘅演員過下戲癮，而佢哋係每一個單元嘅主角，要欣賞一下佢哋嘅演出，佢哋都好俾心機去演，有啲係開劇之前兩三個禮拜就入camp train佢哋嘅戲。」她亦特別點名讚施焯日，指他在法庭內表現不錯，但沒想過他在家中的戲演出更好，令她非常驚喜，並謂「呢個演員要好好栽培下！」
ADVERTISEMENT
至抵會員價，名額有限，請火速訂位！
