張與辰升呢做旅遊推薦官驚訝fans最愛自己舊作

張與辰今日獲封為霹靂州旅遊推薦官，另一獲得這個殊榮的是同鄉張慧儀，二人都是來自怡保。他更特別從台灣運來自己最喜愛的馬來西亞傳統服裝Batik，迎接做官。他說：「其實呢個官要推介下霹靂州，係一個好特別嘅地方，除咗多元文化，但係大自然風景係好靚㗎，有好多好靚、天然嘅山洞、鐘乳石。其實喺霹靂州都有個斜塔，而且食物好啱香港人。」他表示稍後會拍攝霹靂州，以及馬來西亞其他地方，當中會帶大家去看他成長的城市。他又提到怡保的芽菜雞及咖哩麵包雞最好吃，自己會煮一味娘惹菜PONG TEH雞，而且學得最似媽咪的味道。

早前張與辰在澳門第三次開騷，他表示今次是最滿意的一次。他說：「因為同大家嘅距離好近，可以同到台下嘅觀眾傾偈，呢件事係好好玩嘅！同埋冇時間限住，我覺得好舒服。同埋可能之前有足夠休息，所以個狀態係特別好，加埋今次係我最瘦嘅一次，所以我對啲相好滿意！哈哈哈！」他表示沒有特別減肥，只是食得健康，但會選擇食多些健康食物。

提到今次澳門演出的點唱環節，他表示提供了三百首歌讓粉絲選擇，「我發現大家好鍾意揀我以前寫嘅歌，所以歌單有四成係自己嘅歌或我寫俾人嘅歌，我從來無諗過，好suprise!」