張寶兒今日（9日）現身電視城出席《退休有乜計》記者會。談及是否有意拍劇，她直言：「如果有劇俾我拍我都想架！」至於現階段專注小孩是否感到辛苦，她笑言：「唔會話辛苦嘅，就係忙嘅，好充實。」講到細仔袁氹氹是否已經有新技能，她表示：「有啊！啱啱今日踏入第五個月就識得爬。」被問到會否考慮栽培孩子做童星，她說：「如果佢有呢一種學習嘅經歷都可以去試吓，我唔會話特別去栽培佢，睇佢本身嘅性格或者喜好，例如佢鍾意踩平衡車，就根據佢嘅起步去規劃。」
張寶兒今日（9日）現身電視城出席《退休有乜計》記者會。（娛樂組攝）
願意一家拍廣告
至於是否有收過邀請一家人齊參與演出，她回應：「有陣時都有一啲拍片或者廣告嘅客戶，係會特登要求小朋友要出鏡，咁我哋都會一家人出鏡。（唔介意小朋友出鏡？）冇辦法，我覺得每一個父母都有佢本身嘅職業，一個職業特別嘅元素要展現俾小朋友睇，咁佢哋亦都要自己去適應。」
被問到會否考慮再生小朋友，她笑言：「仲生多一個，其實我覺得而家先要管好自己兩個，兩個都要將好多嘅心機擺落去，生多一個出嚟先發現除咗財政嘅規劃，都仲要時間去教，有好多時候會覺得差唔多年紀可以一齊教，其實兩個都學緊唔同嘅嘢，所以都係要分開教，要將足夠嘅時間放喺小朋友身上。」
ADVERTISEMENT
【👇送3M靜電空氣濾網體驗包4包👇】
