倪嘉雯換了一頭金髮look，形象令人眼前一亮。
倪嘉雯以一頭金色頭髮出席《正義女神》宣傳，形象令人眼前一亮。她透露因為拍《魔音女團》，其中一個環節是外型大改造，自己從未試過漂染頭髮。她說：「我決定咗去做就會去盡嘅，所以嗰陣時佢哋問我要漂頭，想我有大啲嘅轉變。我成世女都冇漂過頭嘅，都試吓啦，都好開心嚟到大家唔係好認到我，個頭有幾襯我個頭，我覺得好開心，對我嚟講就係一個突破！平時我係乖乖女嚟㗎嘛！」同場的劉倬昕表示回公司見到《魔音女團》在練舞，因為倪嘉雯的造型特別，所以一眼便認出對方。
唱功繼續魔音
她坦言已拍了兩個多星期，由於臨近決賽，所以大家都好緊張，密密練舞，「成班人都練到12點，身體真係不是我的！」問到在《魔音女團》是做甚麼擔當，她說：「我係好想做唱歌擔當嘅，但係我真係唱得太難聽，所以就做最靚嘅擔當。（會唔會試吓唱《正義女神》嘅主題曲？）我有有同佳導講，我依家學有所成，可以試吓俾我唱主題曲，佢就話唔好搞啦！哈哈！」
她自言唱歌不濟，只好在跳舞及外形上多下功夫，「唱歌始終都唔係一朝一夕可以長得好，跳舞我可以不斷努力努力咁去練，就係呢兩方面幫補吓啦！」
從影尺度最大
談到她在《正義女神》中「走光」的一場戲，她坦言是從影以來最大尺度，但有網民表示其實小兒科。她說：「我行唔到性感路線，因為我著啲衫都係她好密實。（女團唔使行性感？）我哋係行型格、甜笑風，啲衫都係型！哎呀！係喎！嘥咗喎！」
ADVERTISEMENT
至抵會員價，名額有限，請火速訂位！
