扶手電梯出現神秘白色圓點貼紙，港鐵透露用途(Threads圖片)
近日有市民留意到港鐵站扶手電梯的扶手帶上有白色圓點貼紙，紛紛猜測用途。港鐵則指有關的圓形標示，是協助乘客辨識扶手帶的移動速度，方便乘客緊握扶手。
有網民前日在社交平台Threads附圖發文問：「其實有冇人知道港鐵扶手電梯扶手帶有粒白點係做咩？有咩意義㗎？」有網民猜測：「聽講係方便清潔，你有無見過姐姐抹扶手？(佢哋會企定攞塊布㩒住扶手抹)，我諗痴個label方便佢哋知道抹完一round未？」又有網民指：「等你搭電梯嗰時無咁暈，好似iPhone嘅防暈車提示咁」。
扶手電梯出現神秘白色圓點貼紙，港鐵透露用途(Threads圖片)
另外，亦有網民戲言：「無嘅，其實係個扶手年紀大，有啲病痛，所以就痴一痴個鎮痛貼嚟頂頂佢」；「好多時都係賣旗日啲買旗者手多貼上去，再經過歲月洗禮下變咗白色。」
港鐵表示會持續審視成效
港鐵回覆傳媒查詢時透露用途，指部分車站的扶手電梯扶手帶上設有圓形標示，以協助乘客辨識扶手帶的移動方向和速度，方便他們緊握扶手。港鐵表示會持續審視成效，並繼續透過不同方法，推廣安全使用扶手電梯。
ADVERTISEMENT
送健之堂舒壓好眠足湯 x 石墨烯足浴袋
