鄧炳強化身「沙頭角導遊」江旻憓隨團試行中英街智能通道｜Ray Online (@fb鄧炳強 Tang Ping Keung)
保安局局長鄧炳強化身導遊帶團入沙頭角！局長今日(19日)一朝早就帶住成班議員同旅議會代表，去蓮麻坑邊境禁區考察，化身資深導遊，親自向議員同旅議會代表講解巡邏路段情況，聽取業界對開放路段同放寬禁區證申請嘅意見。新任旅遊界立法會議員江旻憓、選委界姚柏良亦有隨團。之後再帶大家去保安局為開放沙頭角邊境禁區旅遊規劃嘅景點考察，順便試行來往中英街嘅「智能通道」。
龍舟賽撞正禁毒攤位 街坊聚舊熱鬧非凡
鄧炳強又提到，適逢今日舉行「北區龍舟邀請賽」，沙頭角海傍一帶人潮湧動，熱鬧非常。喺呢片歡樂氛圍下，禁毒處亦不甘示弱，喺場邊設置遊戲攤位，實行同市民邊玩邊推廣禁毒資訊。局長喺視察期間，仲撞到唔少沙頭角老街坊，「大家寒暄聚舊，不亦樂乎！」
ADVERTISEMENT
【👇送3M靜電空氣濾網體驗包4包👇】
