網民在連登討論區表示，乘搭東鐵綫時經常見到有人鬧交，直言「好似個個一返香港就躁底」。(資料圖片／陳奕釗攝)
不少港人在假期北上消費，早前復活清明長假期累計近300萬港人出境外遊。近日有網民在連登討論區表示，乘搭東鐵綫時經常見到有人鬧交，直言「好似個個一返香港就躁底」，引起網民熱議是否北上後返港會「躁底」。
網民在連登討論區發文表示，「啱啱上水搭東鐵出九龍，架車埋站嗰時，聽到有人唔知係咪撞到人跟住鬧交」。網民又提及，最近上網見到幾次北上鬧交的影片，全部都是發生在「北上完返緊香港或者準備返香港嗰時」，又直言「好似個個一返香港就躁底」。
對於北上後回港會「躁底」。有網民認為原因是長途跋涉，直言「長途跋涉辛苦咩嘛，你諗下喺羅湖過關嗰度又熱又迫又耐又要拖住啲give（篋），跟住仲要趕搭長途車，起碼預多一個鐘先返到屋企」。亦有網民提及，「返黎（嚟）同星期一朝早開工既心情冇分別，緊係躁」。
另外，有網民建議，2個舒服返港方法，分別是選擇皇崗口岸，以及乘搭直通巴士。
有網民推薦選擇皇崗口岸過關，「行皇崗感覺係好啲，人少少，啲人係無羅湖落馬洲嗰種咁趕，過完香港關瞓下覺就到市區」。網民提及，雖然皇崗現時要「行上行落」，但期待未來新皇崗口岸會更方便。
另一網民推薦乘搭直通巴士，「搭直通巴士貴幾十蚊舒舒服服係好」。
ADVERTISEMENT
至抵會員價，名額有限，請火速訂位！
