《 夜王》票房過億大賣，上星期推出導演版，何啟華(阿Dee)和楊偲泳(Renci)的纏綿激戰戲重見天日。兩人都已率先入場欣賞，不過阿Dee就自爆看到自己有份的情慾場面時，尷尬得遮著臉不敢看，「都係一啲比較纏綿嘅戲，(Renci：纏綿遊戲！)係啦纏綿遊戲，我就自己放棄。」Renci自言跟中學同學入場睇，尷尬得邊看邊縮，愈坐愈低，反而身邊朋友嫌尺度不算大膽，希望她再有「進步」。
被問到看完導演版，自覺有何進步時，他笑言要改善自己個樣︰「難為對手，或者改善食嘢方面，食清菜算，唔好再食蒜蓉白菜仔。」Renci自言跟阿Dee一樣，面對自己情慾戲份戲尷尬，「不過朋友話睇過其他國家如韓國、台灣拍攝的類似情節，覺得香港的是最保守，後來我都認同，我覺得我哋都需要進步。」
問到Renci的尺度底線時，她直言是視乎劇本及對手：「我又冇特別的底線，今次導演之前又合作過，所以都有信心。」問到男友張振朗是否已入場？Renci就未有正面應︰「我覺得所有入場的都是支持，部分屋企人同識得耐的朋友都有去睇。」
王丹妮挑戰大尺度：要問屋企嗰件先
王丹妮在加長版有大露背演出，她直言是從演以來最大尺度，問到可會挑戰更大尺度時，她就表示，「要問下屋企嗰件先，我暫時心理關口……要睇角色，(問兒子或老公？)梗係老公啦，點會問小朋友，都唔入得場。」她直言有底線，但最緊要視乎角色需要。
盧鎮業未與廖子妤慶祝
李芯駖和譚旻萱(Mandy)對推出導演版大表感動，芯駖自爆，「曾私下問導演(吳煒倫)，如果冇導演版，可唔可以私下睇返，懷緬吓都好。」她認為導演版加重了人情味和溫度，可以表現角色的辛酸，憶述與Sammi浸桑拿吐露身世的一場戲，浸了兩個多小時，通宵拍攝，「所以見番到戲都係好感動，無憾了。」Mandy指原劇本沒有她和黃子華攬攬的戲份，「我都為角色感到揪心，但最後喺好似爸爸嘅歡哥懷抱入面認輸，好為角色開心。」盧鎮業(小野)早前出席金像獎頒獎禮，他指Kiss Cam純粹配合大會，達到戲劇效果，談到他以菲林相機拍下女友廖子妤得知獲影后的一刻，他笑言未曬相，而Fish已往外地工作，待她回港才食飯慶祝。