將軍澳一名婆婆懷疑墮電騙，在尚德廣場TKO Spot的滙豐櫃員機（ATM）前開視像電話按陌生人指示準備過數。有街坊發現婆婆行為有異及時合力制止，助其力保不失。(領展官網)
長者往往是陷騙案陷阱的高危一族，將軍澳一名婆婆懷疑墮電騙，在櫃員機（ATM）前開視像電話按陌生人指示準備過數。有街坊發現婆婆行為有異及時合力制止，助其力保不失。
該名女性網民樓主周四（23日）在社交平台facebook群組「將軍澳主場」發帖，留言指「今日（23日）下午4點在尚德廣場TKO Spot的滙豐櫃員機陪老公取錢，在外面等時突然聽到佢大叫報警，即刻衝入去問乜事，佢即刻叫我去隔離隊停咗個阿婆過數」。樓主稱，「我都唔知乜嘢事，只見阿婆開住視像電話，老公即刻話剛剛問咗阿婆通話中是否認識的人，她回覆唔識，只說要取消某啲嘢。」
「阿婆眼神中咗邪咁」
樓主續認為事件是「明顯騙案」，惟「電話那邊不斷叫呀婆唔好理我哋，快啲繼續做落去」，於是她搶去老婦電話，「大聲話我報咗警，想點同我講，跟住另一個熱心伯伯幫佢熄咗個通話」。及後另一名熱心太太帶婆婆去銀行查問，但樓主老公「唔放心，怕同黨出現」，他們跟在身後「直至到銀行交代清楚俾職員聽去幫婆婆先走」。樓主解釋發帖是希望婆婆屋企人「睇到此post（帖文），再同婆婆解釋短訊騙案啦」。
樓主老公收同一懷疑詐騙短訊
樓主同時上載相片，指「老公話幫得一個得一個。點知，剛剛老公都收到同一個短訊」。短訊內容提及「XX保險服務已開通，每月將扣款1820元。若需取消服務，請務必聯繫官方線上客服」。樓主又補充，「發帖出嚟，係想大家見到就幫幫啲老人家，唔好只剝花生睇戲，今日阿婆眼神係中咗邪咁」。
帖文引發網民討論，有人大讚樓主夫婦及其他有心人「早幾日先聽到個朋友媽咪又係視像俾人呃錢，你地做得好好呀，真係幫得一個第一個」、「多謝樓主同佢老公見義勇為！今時今日嘅香港，已經好少好似你哋咁熱心嘅人！」、「幸好婆婆遇上你哋」。另有人指類似騙案根本禁不絕，長者不懂科技很易中招，「一定要當面制止及切斷通訊先可以救人」、「我之前在地鐵站某銀行柜圓機前，亦見過相同騙案發生，但好不幸，當時事主伯伯已過數給騙徒」、「幫得一次幫唔到第二次」。
