草蜢七場紅館演唱會終於開鑼。 (娛樂組攝)
草蜢出道40周年舉行《GRASSHOPPER Three In Love 草蜢演唱會2026》，七場演唱會今晚(26日)於紅館開鑼，圈中好友包括陳小春、謝天華、張智霖、袁詠儀、李嘉欣、許晉亨、吳卓羲、關之琳、顧紀筠、黃子華、雲浩影、馬海倫、蔡一智女兒等均有捧場，關之琳、李嘉欣等演唱會稀客，睇得非常投入，不時揮動大會的心形燈棒，3子走近觀眾席時，坐前排的李嘉欣和許晉亨都伸手來，蔡一傑試圖輕吻李嘉欣手背，許晉亨亦有握手，兩夫妻都是忠實fans。
傑仔前失重心險仆
演唱會於8時20分揭幕，草蜢三子從舞台中央升起現身，跳唱連串快歌《人愛世人》、《A.E. I. O. U》，《紅唇的吻》、《又愛又恨》、《熱力節拍WOUBOMBA +》、《ABC》、《LaLa means I Love You》後，多謝一班GenZ dancers。蔡一傑率先感性表示，「我哋上年真係以為草蜢40周年搞唔到！」蘇志威笑問，「我哋跳咗咁耐，仲係氣定神閒，咁你哋呢？」全場歡呼。接著蔡一傑高呼：「大家好，我返咗嚟喇！我曾經一定好快康復，然後踏上舞台同大家一齊Party，係咪？今晚我要守呢個諾言，你哋都要守呢個諾言，OK？」他們再次歡迎在座觀眾，更揚言會唱到好夜，接著3人搞笑地重新自我介紹，呼籲大家盡情歡呼。
59歲成員蔡一傑前年接受腦部切除腫瘤手術後，頭上留下U型大疤痕，專心休養後已在去年全面復出，今晚再站紅館舞台狀態大勇，不過跳唱期間一度跣腳，但有驚無險。蔡一傑在台上分享前年迎來得了腦部腫瘤的嚴重打擊，當時因身體出現問題看醫生，跟他檢查後，醫生神色凝重，傑仔表示，「我見到佢個樣，我心知不妙，咁佢話蔡先生你冷靜啲，你個腦裏邊有個7 cm嘅陰影。」堅強的他沒有慌亂，果斷決定在一星期後做手術。怎料手術後卻發現癌症已經擴散，是他第二次打擊。雖然接連受打擊，蔡一傑沒有放棄，「喺人生裏面遇到許多唔開心啊，好唔順意啊嘅時候，其實我哋嚟到呢個世上人生走一回，其實匆匆就好快過。所以我覺得大家分享嘅係，既然到呢個世上，我哋就要玩得痛快，畫到呢一張圖畫紙最靚為止先至離開呢個世界，有好多人同我講及時行樂。」其後唱《及時行樂》時一度眼濕濕，強忍淚水，場面感人。
ADVERTISEMENT
至抵會員價，名額有限，請火速訂位！
