發哥與發嫂行紅地氈。(吳康琦攝)
周潤發、梁家輝、郭富城3位重量級《寒戰》元祖，今日（27日）聯同一班新加盟《寒戰1994》的吳彥祖、劉俊謙、謝君豪、吳慷仁、王丹妮、白只魏浚笙等，齊齊現身戲曲中心出席全球首映活動。活動由Do姐由鄭裕玲擔任主持，發哥一見老友即上前擁抱，扶她坐下拍照後，記者慫恿下，肉緊錫了Do姐面珠一啖。
難得齊人，又有發哥在場，當然要seflie，不過當發哥拿起手機自拍時，突然大合照大叫：「你隻手遮住盞燈呀，揼Q你㗎！」原來有記者舉機拍攝時，隻手遮擋了光源，向來鬼馬風趣的發哥鬧著玩，扮嬲搞氣氛。
晚上紅地氈活動，發哥換上黑色禮服，拖著發嫂壓軸登場，沿路鐵欄旁邊，有不少fans要求發哥自拍，向來親民的他都欣然答應。當眾大合照時，發哥與城城、梁家輝主動讓出最搶鏡的頭排C位予陳以文、鄭則仕及白只，不過白只堅持企原位，吳彥祖、劉俊謙就扭抱一團，讓出較中間位置，而發嫂就藏於發哥身後不入鏡。