正義女神｜陳煒期待跟羅嘉良合作劉倬昕有望再續母子緣

《正義女神》大結局，佘詩曼、譚耀文的多位演員聯同總監製鍾澍佳齊集元朗，與400位獲招待觀眾到商場收看劇集大結局。他們更宣布劇集連續3周成為7天跨平台總收視冠軍，最高收視21.9，翡翠台收視連升5周，創2026年劇集最佳收視成績。

鍾澍佳透露正在籌備《正義女神》前傳《模範律師團》，羅嘉良已答應演出。陳煒表示未曾跟羅嘉良合作過，自己也很期待。她說：「我記得有一次喺內地登台嘅活動有見過，但冇合作過。（知道內容未？）其實我都未清楚，都要等佳導發辦會清楚啲。我知係律師團，除咗我仲有其他律師，撈家應該係一個比較勁嘅律師！我係好鍾意同啲好勁嘅人合作，我都好感恩可以喺佳導劇集入面同啲好資深、好叻嘅演員合作，無論係阿佘、宣萱，都係好好嘅對手，我係遇強越強，好開心呢一種感覺，令我更加去發揮我嘅潛能，好期待同撈家合作send！」至於「高成彬」劉倬昕是否會參與前傳拍攝，她表示有50%機會。