林俊其自爆家藏200隻靈體。
林俊其（Kris）與羅毓儀（Yuki）日前以「情侶檔」姿態擔任靈異節目《師傅點算》嘉賓，林俊其更驚爆自己住所長期有超過200多隻靈體（眾生與冤親債主）聚集，當中有3隻更會跟隨他出入，林俊其更當住羅毓儀說，其中一隻隨身靈體「唔鍾意佢」，並解釋：「喺前世積落，唔會搞我，但會搞我身邊嘅人。」
林俊其透露其中一隻靈體唔鍾意女友羅毓儀。
Yuki頂得住
對此，羅毓儀表現淡定，更笑言自己命格剛強「絕對頂得住」，因為曾算命得知「唔會死於非命」，輕鬆化解現場尷尬。不過，林俊其表示已找來師傅幫忙，送走所有靈體，羅毓儀分享指現時的林俊其與早前判若兩人，明顯精神開朗了不少，對答亦有文有路。節目播出後，「200隻靈體論」隨即在網上發酵，不少網民都表示「打冷震」。
羅毓儀笑言自己命格剛強「絕對頂得住」。