朱晨麗（朱朱）和岑麗香（香香）今日（3日）出席電視劇《重案解密》發佈會。香香接受訪問分享在新劇中飾演警員，朱朱則表示今次飾演的角色受盡情緒抑壓導致精神出現問題犯案的人物。談及是否有打鬥場面，朱朱說：「都有嘅，叫我飾演呢個大肚婆，但都會有同大肚婆有少少推撞嘅情節，到時大家可以留意吓！」
朱晨麗（朱朱）和岑麗香（香香）出席電視劇《重案解密》發佈會。（娛樂組攝）
香香讀書時期冇着過校服
香香被問到是否着校服上陣，她笑言：「係呀，我着咗校服啊！係回到以前，嗰一刻我都覺得OK喎！其實我由細到大返學從來未着過校服，反而拍戲就會着校服，其實我都會覺得做唔做到呢？大家真係要睇吓個效果啦！」被問到是否認為自己後生30年，她回應：「後生30年就好似太誇張，我覺得我算係咁㗎啦！」至於是否有發給老公看，她笑言：「我拍完之後send晒俾所有朋友，着校服呢樣嘢冇諗過今時今日會做！（返屋企着俾老公睇？）我呢一套唔止係校服，仲有警員嘅服裝，不如我哋去返正題啦！」
談及二人昔日是否有合作過，香香表示：「我哋以前有冇合作過呢？其實點都識你（朱朱）嘅，之前成日都見嘅。」朱朱則回應：「真係冇！我哋成日都會喺晚宴同埋慈善嘅活動跳舞。」
ADVERTISEMENT
【👇送3M靜電空氣濾網體驗包4包👇】
