無綫電視選美盛事《2026香港小姐競選》全球招募記者會今日（4日）於電視城舉行，即日（4日）起接受全球佳麗報名，今年大會以「敢至完美」為招募主題，歡迎17至27歲合資格的佳麗報名參加，截止報名日期為5月25日。
何沛珈接受訪問表示從小到大也有港姐夢，對於演藝事業非常有興趣，而當年是母親鼓勵她去選美。被問到選美是否希望做演員，她坦言：「當時我想做係演員嘅，演員可以嘗試唔同角色，演繹唔同嘅人生，入行嘅第一個機會就係東張，跟住又接觸到主持方面，無論係演員或者主持挑戰性都係好大，兩方面我都好enjoy！」
何沛珈表示從小到大也有港姐夢，對於演藝事業非常有興趣，而當年是母親鼓勵她去選美。。（娛樂組攝）
擔心觀眾反應
講到參加《女神配對計劃2》，她說：「係另外一個挑戰參加真人騷，我有少少擔心唔知點樣喺鏡頭表現自己，因為主要就係要拍真性情出嚟，我唔知道觀眾對於我嘅真性情會唔會喜歡，又或者會唔會討厭我？係好大嘅課題。」
談及是否擔心形象與主持出入很大分別，她說：「對得鏡頭大耐啦！當我對住個鏡頭做返真性情可能會有少少困難，我會盡量放鬆啲自己。」被問到身邊朋友是否有舉手參加節目，她笑言：「我有收到DM，同我講話我已經參加咗《女神配對計劃2》。」談及擇偶條件，她說：「我希望另外一半善良同有愛心，鍾意小朋友。」講到曾展望與葉蒨文情侶檔吸金，她笑言：「佢哋兩個無論喺鏡頭前同鏡頭後都sweet到爆，我都係睇緣份，我相信緣份到我就會搵到。」
ADVERTISEMENT
