陳柏宇宣布紅館演唱會加開7月20日生日場。
陳柏宇(Jason)早前公布7月於紅館舉行一連兩場《Jason Chan Live in Frames 20週年演唱會》，反應熱烈，門票於公售當日已售罄，為滿足歌迷，現加開7月20日一場，而當日將會是Jason的43歲生日，對Jason和歌迷來說都別具意義。向來是Family Man的Jason自爆：「到時囡囡Abi、Audrey，媽媽（太太Leanne），我媽媽，囡囡嘅婆婆同太婆都應該會一齊嚟睇我嘅演唱會，到時就可以喺會場慶祝埋生日啦！」加場門票將於本周四(7日）早上 10時起於城市售票網公開發售。
對於門票瞬間售罄，Jason大感興奮， 「好開心好意想不到！大家太犀利！」對於在消息生日當天加開一場，Jason坦言暫時仍未知道當日安排，他說：「而家呢一刻其實未諗有啲乜嘢特別環節準備比觀眾，因為之前都唔知會唔會係生日當日會開show，但我估到時大家應該會一齊切下蛋糕，唱下生日歌？」今年同時是Jason入行20周年，在雙重意義之下自然有雙重驚喜，但是驚喜部份，開show當日自有分曉，但可以肯定的是， Jason屆時必會唱盡他的每一首經典作品。
ADVERTISEMENT
【👇送3M靜電空氣濾網體驗包4包👇】
