甘比今日下午帶同鈎織手作入玻璃櫃替193打氣。 (娛樂組攝)
ERROR成員193郭嘉駿迎月來被公司雪藏，自本周一（17日）中午開始，他正式「進駐」尖沙咀The ONE的戶外玻璃櫃。今日（19日）進入第三天，玻璃櫃上巨型LED屏幕上的改為「多謝你，陪我繼續等」，ERROR隊長肥仔、旁白君、陳安立等人都前來探望。193將於明天「解凍」，在尖沙咀The ONE 地下露天廣場開記者會公布復出大計，據知屆時會宣布推出新歌。
半小時速織半張被
及至今日下午4時左右，身穿紅色背心的甘比（陳凱韻）帶著一個巨型鈎織咕𠱸前來，桃紅底的咕𠱸上織有粉藍色的「193」名字。甘比亦帶來兩個深藍和淺藍色冷球，打算教193鈎織一張被子，甘比親解教授193鈎織的用意，「我知道193有專注力不足的情況，難得他有機會靜靜坐下來，希望鈎織可以為他帶來內心的平靜，亦想趁這次機會加深自己對193的認識！所以我今日教193鈎織被子，一來比較容易上手；二來他一個人孤伶伶坐在玻璃屋內，希望這張被子能夠為他帶來一點溫暖吧！」
兩人一邊織一邊傾偈，話題從ADHD說起，甘比稱ADHD非常平常，不應被標籤。三爺笑：「我會自我安慰自己，好多成功人士都要ADHD。」他稱曾為此求醫，醫生指如果影響工作才需服藥，甘比就說：「其實人嘅意志勁啲，如果你自己做到，咁就慢慢嚟，迫自己慢慢做。」甘比大讚193「自困74小時」的概念相當有趣：「之前曾經見過外國人進行這類型行為藝術，但香港的生活節奏急速，所有東西都講求效率，所以193 和團隊今次的大膽嘗試兼創意十足，被人看著自己在玻璃屋中生活，真的不容易呢！」193直言：「玻璃屋雪藏」這行為藝術出自他構思，「公司就話『放假』，冇乜所謂啦，你要雪，不如我示範一次，我喺屋企(雪藏期間)會做啲咩，會喺度hea、睇下書呀，同啲friend傾下偈呀…」不過，他不諱言將玻璃屋當成「家」，始終不便，「所以我要包裝自己，藝人幾真都好，一定係假，點都會有啲假嘅嘢。都係包裝。」
甘比直言最欣賞193勇氣可嘉：「每個人的人生總有高高低低，最重要是勇於面對自己的過去，今次193選擇長時間逗留在玻璃屋內，其實都需要相當勇氣。這份精神值得欣賞，希望他能在過往的經驗中學習，保持樂觀，繼續努力！」甘比只花了半小時已織了半張被，193主要拿著冷線，甘比逗留約40分鐘離去。
ADVERTISEMENT
【👇送3M靜電空氣濾網體驗包4包👇】
