GM與葉蒨文剛從意大利回來，坦言今躺遊程很開心。（娛樂組攝）
GM曾展望、Sophie葉蒨文早前一齊到意大利旅行，二人坦言當地很浪漫，而且靚到可以拍MV。問到二人有沒有借機互相許下承諾，他們笑言沒有，GM竟說：「我要食均全世界嘅邊爐！」他們透露在意大利期間一度思鄉，有幾餐去了打邊爐、食川菜及韓燒。Sophie透露二人買了一個同心鎖，並稱從fans口中得知他們在港的同心鎖已經不見，所以在當地買了同心鎖後不敢掛上去，於是寫了日期再帶了回來。GM聞言說：「個鎖條匙喺我度，佢心個鎖永遠先得我開到！」
談到他們有份拍攝的《愛‧回家之開心速遞》大結局，他們坦言有很多回憶，但暫時未收到「回家」的消息。GM坦言自己《愛‧回家》是他拍得比較耐的一套作品，「本身拍劇經驗唔多，咁入面啲情節呢都好好玩。好感觸！總之我覺得我拍嘅每一條線，每一集我都覺得好特別。我知道呢個新聞話將會完結，我自己都有回憶咗一次，都記錄咗自己幾年人生。」他們又提到在意大利旅行期間，曾遇到一名來自加拿大的觀眾，表示很喜歡Sophie在《愛‧回家》中「Candy」一角。提到新的處境劇，Sophie與GM更自薦加入新劇組，Sophie更謂無綫的《驅魔速遞》可以找GM拍，因為男友是道士。
