詹天文宣布今年7月11日於麥花臣場館舉行首個個人演唱會《Windy詹天文 CHAPTER ONE LIVE IN HONG KONG》。 （娛樂組攝）
詹天文（Windy）今天（6日）現身尖沙咀出席《Windy詹天文 CHAPTER ONE LIVE IN HONG KONG》記者招待會，正式宣布將於今年7月11日（星期六）晚上8時15分，於麥花臣場館舉行首個個人演唱會，一眾「天文台」（歌迷暱稱）、傳媒及嘉賓到場支持，場面熱鬧。
Windy透露演唱會命名為「CHAPTER ONE」，對她而言別具意義：「上年我推出咗一首歌叫《序章．結局》，每個人嘅人生都有一個序章，我呢幾年喺度裝備緊自己， ready緊自己，就係一個Chapter one去開屬於個人嘅演唱會，所以覺得好特別。」她表示，演唱會將呈現自己不同階段的成長與蛻變，希望歌迷能夠從中感受到她的真誠與熱情。
詹天文即場戴上贊助商的眼鏡，認真識do！（娛樂組攝）
專程到場支持的樂易玲，在台上大讚Windy：「呢個女真係乖到不得了，第一次見佢係14歲，依家高咗又愈嚟愈靚，好勤力讀書又叻，每一樣嘢交俾佢，佢真係超額完成。5月1號我哋喺天河體育館有一個大型活動，我哋安排Windy去做一個表演嘉賓，咁大個體育館，佢一開聲好多領導都覺得佢好靚同埋驚為天人，可以想像佢演唱會嘅時候可以幾靚，佢嘅歌聲比我哋預期中更加好，所以Windy嘅前途真係無可限量，依家先至20歲，真係有康莊大道喺前面，加油。」Windy聞言感動表示：「我愛你樂小姐，我一定會做好㗎！」樂小姐亦回應她：「我都愛你，你冇辜負大家，每年都同你開（騷）。」
Windy事後接受訪問，對於樂小姐表示「每年都同你開騷」，是否代表未來有一段很長日子效力無綫，Windy理解為每一年都要再進步多一點：「我覺得我需要繼續裝備自己，呢個只係Chapter 1，希望之後會有更多嘅Chapter見到大家。」Wind又稱樂小姐好似一個媽媽，她說：「佢喺公司好照顧我，佢成日教我好多嘢，叫我要努力，所以我真係好感謝樂小姐。」
詹天文很感謝贊助商，受訪時仍不忘多謝他們。（娛樂組攝）
她透露希望今次在舞蹈上向高難度挑戰，她說：「想喺跳舞上邊嘗試多啲突破，歌單都會有大家未聽過我cover嘅歌，自己嘅歌都會佔大多數嘅。（嘉賓呢？）係一個好神秘嘅嘉賓，唔一定有合作過，而且唔止有一個嘉賓嘅。」
問到她如何學業跟籌備過唱作出平衡，她表示還可以應付到，每一日都在屋企樓下的健身室做gym，希望自己操到有肌肉線條，可以在舞台上面好看一些。她曾提到為今次個唱嘗試操馬甲線，她表示仍在努力中，希望到時不用長期縮肚突出該線條。
