MIRROR成員AK 江爗生（Anson Kong）今日（8日)現身旺角出席香氛噴霧產品發布會，AK自言向有噴香水習慣，認為獨特的香味能讓人留下記憶點，談到誰是MIRROR的「香香公子」，他就首選明天生日的陳卓賢，「由比賽開始已有噴香水習慣，一睇就知係公子哥兒，懶係有高端氣場，噴香水先啱佢性格。」問到可考慮送香水作禮物，他就擺擺手示無意能為力。
謝師宴醉到斷片
談到人生第一次買香水，原來是為了出席中學謝師宴，AK笑言：「『舊年』中學畢業去Grand Dinner，買咗我人生第一支香水。」為隆重其事，他特地穿恤衫打呔配牛仔褲盛裝出席，問到是否迷到不少女生時，他就自爆：「我中學一啲都唔受歡迎，啲女仔仲有啲討厭我，我把口賤成日得罪女同學，所以我中學時期絕對唔係風頭躉，我做dancer嘅時候都唔算受歡迎，真係入咗行先開始受歡迎，終於搵到知音，有品味。」談到謝師宴最難忘回憶，竟然經歷人生第一次飲醉酒兼斷片，只是淺嘗幾杯，本來晚上於元朗謝師宴，翌日醒來竟然人在深井，「其實只係飲咗幾杯，直頭暈咗，冇能力返屋企，有段記憶係唔記得，喺男同學屋企瞓，衣衫整齊。」
感謝謝君豪指教
AK今個月忙於舞台劇《The Magic Hour魔幻時刻》，目前已完成了5場，相比去年首次演舞台劇超緊張，今次感覺較投入，「因為一個角色做到尾，上次係每次出場都有新角色新單元，今次同角色、劇情連結深好多。」加上首次與葛民輝、謝君豪等合作，尤其跟豪哥有很多對手戲，獲前輩悉心指導，獲益良多。餘下還有24場演出，問到有甚麼進步空間時，AK謂：「希望每場都保持新鮮感，當一切重新發生，係難嘅，但係要學習嘅功課。問到有何蝦碌事，他表示上周五(5日)做了一場試演，現場有約40位演藝學生，但他連對白都記得亂七八糟，慶幸因此而提高警惕，結果在首場正式演出時，交出滿意表現。他又透露首場公演時，他與蔡曉童要走到台下與觀眾互動，「啲觀眾指咗我阿爸出嚟，我望一望咁似我老竇嘅，咁我就話唔好搞佢，我哋搵第二個啦。」
想演韋少寶
談到早前獲金庸次子查傳倜點名讚有楊過氣質，他由衷感謝，「希望可拍到金庸先生嘅作品，可成為其中一個筆下小說角色，都係人生一大check point。」他自言因自小聽外婆講金庸小說和中國民間傳說故事，深受影響，中學亦選讀文科。問到最想演的金庸小說角色，除了《神鵰俠侶》的楊過，最想演有七個老婆的韋小寶，一次過可與多位對手合作，「我拍咗戲一段時間覺得有樣嘢需要改善，我同男仔演對手戲冇問題，但同女仔演戲有啲怕羞尷尬，我要克服呢個問題，一次過咁多個女仔，係最好嘅訓練方法。」對於COLLAR曾表示想跟肥仔拍《鹿鼎記》，他驚訝反問：「肥仔想韋小寶？佢做多隆好啲喎！」至於心目中的小龍女，他認為網友提議林愷鈴也算適合：「好有書卷味，好有知性，覺得佢著古裝應該好靚。」AK直言渴望穿古裝亮相，至於可介意剃頭，他毫不猶豫表示為拍戲就沒問題。
贊同Lokman觀點
對於隊長楊樂文在《爆谷一周》談到對MIRROR運作模式的看法，AK自認有留意隊長的言論，非常同意：「一家人唔係早午晚餐一齊食先叫感情好，總係有人食完飯先返，或者有啲人忙，要留飯。其實好多嘢都唔到我地控制，唯一可控制係當下嘅表演質素，係我地能力範圍之內可做到。」