【唔想當兵】G-DRAGON隱瞞學歷逃兵役

日前參加完隊友太陽婚禮嘅BIGBANG隊長G-DRAGON(GD)，今日被南韓傳媒《Dispatch》踢爆為咗逃兵役而隱瞞學歷。《Dispatch》報道，GD曾經3次重讀大學科目，藉此不斷延遲服兵役。GD在2009年入讀慶煦大學嘅音樂科，不過之後退學；2010年再報讀國際網絡大學嘅體育科，於25歲之齡畢業；2013年9月又報讀世宗大學產業研究院嘅產業科，於2016年以28歲之齡畢業，又再延遲3年才服役。

之後，GD以「大學進修」為由，又延遲近1年入伍。上年11月，GD以「演藝活動」為由又延遲3個月服役，所以令人質疑GD玩手段做「逃兵」。《Dispatch》記者問過GD報讀嘅學校，校方表示私隱問題，不可回答有關GD嘅入學問題。