《森美旅行團》難得合體！（娛樂組攝）
麥美恩（Mayanne）早前在胡楓（修哥）的演唱會上擔任司儀，由於演唱會時間長近5小時，修哥去到最後腳軟，幸獲台上的劉德華、張家輝上前頂住攙扶，麥美恩立即搬出梳化讓修哥坐下，成功「救」修哥，避免他跌到。麥美恩的應變能力獲網民大讚，她認為功勞是整個團體，她說：「其實嗰個係團體嘅合作，因為我全程戴住耳機，好多指示同埋現場嘅嘢都係大家幫手。」Mayanne坦言無論台前幕後，眾人最大的心願就是確保修哥可以平平安安、健健康康順利地完成演出，她亦大讚修哥魄力驚人，成個騷長達5小時的演唱會都應付自如。
胡楓第六度踏上紅館，舉行《修哥九五至尊無限楓騷演唱會》，獲劉德華和張家輝宣布胡楓成功挑戰健力士世界紀錄「舉辦演唱會最年長的華語藝人」。
談到修哥的演唱會破紀錄，她表示很自豪及榮幸可以參與其中，亦很感謝修哥的信任。她表示自己全程有earmon，所以發生甚麼事也可以處理。她透露說：「我去到後台有啲update，突然間又有啲神秘嘉賓，譬如Eason出嚟，跟住華仔出嚟，我係好last minute先知。佢哋守得好秘密，但係我作為MC我係要知，所以呢個show對於香港人嚟講都係一個世界紀錄！因為冇人會有經驗點樣做一個95歲嘅前輩嘅show，所以我就見到香港人做大show真係優秀嘅！我都好Proud of可以參與！」
