方力申獲邀合唱《老豆》父子對唱版尹光迷上爆旋陀螺揮低細路

尹光去年推出單曲《老豆》找來張家輝拍攝MV，趁住星期日是父親節，光B找來方力申推出《老豆》合唱版，利用AI製作的父子兵對唱版MV今日（17日）在YouTube首播，兩人下午更一同現身宣傳，並上演一場「爆旋陀螺大激鬥」。

小方囡囡未識嗌爸爸

尹光與方力申近期頻頻同場，玩爆旋陀螺最近成為尹光的最新興趣，小方曾於22年前為動畫《爆旋陀螺2》唱出主題曲《下一轉再見》，今日兩人即場展開爆旋陀螺大賽，尹光早前到深水埗開工，當時獲小粉絲送上陀螺，結果一玩愛上，當日首次玩已揮抵幾個細路。今日與初哥小方即場比賽，更親自教小方玩爆旋陀螺，結果光B大熱勝出，表示下次會約打乒乓波，到時可同場加插再玩爆旋陀螺。

尹光與方力申在活動上受訪，今年是小方榮升Daddy後首個父親節，他表示半歲囡囡日前開始識叫「媽媽」，聲稱沒有呷醋的小方自言會加緊訓練囡囡，身旁的尹光則以過來人身份表示：「多數叫媽媽先，因為發音易啲，好快就識叫爸爸㗎喇！」光B兒子一家四口移居澳洲，差不多會每日FaceTime，問到有否打算跟阿仔到當地生活，他立即表示一定不會，因為自己太愛香港，認為全世界最幸福的地方是香港，單是交已經十分方便。