非份之罪｜王心慰退休後兩年終於播專登回公司現身宣傳

由王心慰（Amy姐）監製，吳啟華、陳煒、朱敏瀚、吳偉豪、徐榮及單立文等主演的《非份之罪》今日舉行宣傳活動，劇集由六個單元故事構成。每個單元的人物逐一上台介紹。這一部作品也是王心慰最後一部作品，早於3年前完成，已退休的王心慰也特意回來宣傳，她說︰「呢部戲係我喺TVB、事業生涯最後一部劇，我都好高興，我用一部劇變成6個劇，每一個都有好豐富內容，我一鋪還番晒俾公司！好感激、多謝咁多位精湛演技嘅演員，多謝你哋咁撐我，希望觀眾都鍾意！」

問到Amy姐為何會想到六大單元都改變自真人真事，她說：「我哋最初做資料搜集時睇到一、兩單真實案件，案情都幾驚嚇，就覺得可能喺描寫人性位度會幾有發揮同埋張力。所以之後我哋再蒐集多咗香港同埋外國嘅案件，希望透過以真實故事做藍本、可以將人性描寫得更加寫實。」Amy又強調，六個故事除了是想藉著兇案展現人性醜陋貪婪面，還想帶出人與人之間的情與溫度。