張致恒近來積極洗底，轉職搬運工。
現年41歲的前Boy'z成員張致恒（Steven）於2019年與區燕雯（雯雯）結婚，二人四年抱四，但婚姻屢爆財困與婚變危機。近期，他積極洗底，轉職搬運工、操肌登台，企圖重返歌手行列，受訪時又大談照顧自閉症及過度活躍症兒子的辛酸，努力建立好爸爸形象。不過，Steven 的舉動卻引起雯雯極度不滿，女方更在社交網連環發文怒轟。
剖白家庭困境
Steven 近排頻頻北上登台，早前曾在訪問中透露，自己受傳統觀念影響，認為家庭人多好辦事，所以經濟緊絀仍生育多名子女。他又提及5歲二仔患有自閉症及過度活躍症，至今不懂說話、情緒難控，因咬奶嘴帶他外出常遭歧視眼光等等，更罕有公開感謝太太付出。
雯雯毫不領情
不過，雯雯對這番剖白毫不領情，繼早前她發文寫道：「你要行一條咩路係你嘅事，但唔好拖我個仔落水，唔講就唔會有標題」後；日前，雯雯再爆seed 表示：「不要在世人面前再裝，沒意義的」，並直斥二人想法已徹底割裂：「唔同世界、唔同前路、唔同觀點既人，就係要走向不同方向。你既選擇我祝福你，但我唔會同小朋友陪你癲！」直指男方利用兒子病況博同情，亦似乎不太贊成老公復出。