蝦頭與Gary哥哥相隔26年再一齊表演。
楊詩敏（蝦頭）與譚偉權（Gary哥哥）共同創作，由盧俊豪執導的全新舞台劇音樂騷《唔妥你還是愛你》，於今天（7月10日）起在香港藝術中心壽臣劇院上演13場演出。《唔妥你還是愛你》結合戲劇與音樂，以「追、求、定、結、離」為故事軸線，唱盡男女之間的愛恨糾結，帶領觀眾一同拆解愛情求生攻略。今晚（10日）開演前，一眾台前幕後齊集，為順利演出進行拜神儀式。
《唔妥你還是愛你》一眾台前幕後齊集，為順利演出進行拜神儀式。
相隔26年再合體演出
蝦頭與Gary哥哥在開騷前表示心情興奮又緊張，蝦頭說：「我哋上次一齊演出是2000年，相隔26年再一齊表演，好珍惜今次一齊演出，我覺得好有福氣，希望可以分享喜悅俾大家。」劇中有二人扮鬼馬，展現驚喜演技，當中Speed dating部份，玩盡香港廣東歌歌詞。
Gary哥哥表示：「今次演出係一項挑戰，因為要喺短時間換衫、換角色。」蝦頭笑言：「我要變聲、轉聲，經過今次發現，我原來自己都有溫柔嘅一面，呈現自己都嚇自己一驚。」Gary則表示蝦頭有一面，令他感到十分窩心。
對於蝦頭身形愈見纖瘦，越來越索，蝦頭說：「想自己有好身體，所以多做運動，其實我冇刻意減肥，依然食好多嘢，只不過我係食素，培養好生活習慣。」對於大家都好奇蝦頭的體重，蝦頭坦言：「我認為要有一個新嘅自己，由去年11月開始到宜家，冇刻意減肥，瘦咗廿幾磅，清走咗多毒素，個人都輕形咗，宜家啲衫鬆少少。上圍都縮咗少少，不過匀衡啱比例就ok，健康最緊要。」
至於二人今次會否有親密演出，蝦頭說：「唔係你哋諗嘅親密，係另一種親密。」咁Gary哥哥要唔要向太太報案？Gary笑言：「做咩要報案？太太今日會嚟睇，信任好重要。」
ADVERTISEMENT
【👇送香港書展、零食世界、香港運動消閒博覽電子入場券👇】
