大寶冰室熱潮過後更逆市擴張，於屯門區開設新分店。(Threads)
去年憑一篇在社交媒體Threads瘋傳潮文而突然「無厘頭」爆紅的元朗大寶冰室，掀起不少網民專程到元朗「朝聖」，成為網上熱話。近日這間曾被網民戲稱為「全亞洲最優秀肉餅飯」的食肆，熱潮過後更逆市擴張，於屯門區開設新分店，再度引發討論。
周一（13日)有網民於Threads上發文，稱在屯門區發現了「大寶冰室」的新招牌與店面，吸引大量屯門街坊留言。不大寶冰室官方帳號亦確認消息。官方帖文表示「今日屯門分店正式試業，一樣嘅大件夾抵食，一樣嘅交通方便，一樣鄰近鐵路站。」，稱新分店位於愛定商場。
有網民討論時稱「熱潮過後都仲可以開分店真係神奇」、「熱潮其實已經過咗好耐啦，證明佢生意支撐到開多一間舖」、「會唔會香港係第一間舖頭由Threads起家」、「threads能量真係強大」、「我覺得假以時日大寶冰室會係港交所上市」，惟亦有人批評「食過一次，好一般嘅肉餅飯！」。
由於新分店仍選址新界西，不少網民稱「唔能夠相信踩到入黎屯門開」、「唔洗去元朗了」、「繼續都係大西北」、「屯元天獨缺天水圍，你咩意思」，亦有其他地區的網民問「幾時開喺荃灣？」、「幾時到港島人有得食？」、「幾時衝出九龍呀」。