謝賢在《向世界出發3》談到摯友肥姐離世，低頭嘆氣，一度哽咽。
謝霆鋒與謝婷婷今日（20日）先後在社交網公布父親謝賢（四哥）離世消息，享年89歲。有指謝霆鋒將按四哥的意願，低調安排身後事。謝賢曾遠赴墨西哥拍攝TVB人文旅遊節目《向世界出發3》(2008年)，罕有地𣈱談生死觀。
寧願靜靜地離開
謝賢談到身後事安排時表示，「我真係好想行到我人生最開心嗰時就拜拜，同時我一定話低俾我朋友同後人聽，千祈唔好搞大去，俾我靜靜地走咗去就最好。」他坦言最難接受是看著身邊的老朋友一個個離世，談到摯友肥姐(沈殿霞)離世時，更一度哽咽，「好似阿肥，我係好痛心佢走，因為我同佢關係好好，友情深厚，我記得佢拍第一部電影就係同我拍，我嗌叫阿肥阿肥，我好錫佢，佢突然得到呢個病，大家都知冇乜希望，都係都可以堅持咁耐，佩服到佢嘅精神到不得了，佢點解可以支持咁耐，就係為咗個女，所以我臨知道佢走嗰日係有少少……」說到此時，他深深嘆氣，哽咽道，「有少少唔開心……但我覺得佢走咗都好。」