《奧德賽》由金像影帝麥迪文飾演主角奧德修斯。
荷李活神級導演基斯杜化路蘭（Christopher Nolan）全新力作《奧德賽》（The Odyssey）已在港美各地上映，「Do姐」鄭裕玲早前獲邀展開倫敦之行，飛抵英國專訪基斯杜化路蘭及片中幾位紅星，包括麥迪文（Matt Damon）、安妮夏菲維（Anne Hathaway）、湯姆賀倫（Tom Holland）、辛蒂亞（Zendaya）及珊曼莎摩頓（Samantha Morton）。
Do姐透過社交網分享跟主角麥迪文的合照。
額頭火車軌全消失
上星期，Do姐趁《奧德賽》在港開畫在YouTube公開倫敦的專訪影片，並透過社交網分享跟主角麥迪文的合照，寫上：「好開心可以同Matt Damon傾吓計」，勢估唔到照片引起海外媒體及網民關注，令入行50年的Do姐「衝出香港」。
有美國傳媒人在Threads轉發Do姐與麥迪文合照，曲線指照片用了美顏濾鏡，使55歲的麥迪文忽然變得皮光肉滑，額頭火車軌亦完全消失，引起不少海外網民討論及share，亦有香港網民留言「估唔到Do姐係咁樣衝出香港」、「外國人都識Do姐了」。
