Ray Online｜江旻憓加入立法會C15+聯盟　接替酒駕黃錦輝

立法會版圖有變，旅遊界議員江旻憓加入「C15+」聯盟，接替涉嫌酒駕而辭職嘅黃錦輝。

「C15+」召集人陳紹雄向傳媒解釋，一向歡迎志同道合、興趣相近嘅獨立議員加入，以共同推進議題。佢列舉「C15+」有教育、科技、法律等專業背景嘅人才，不過就冇專責旅遊議題嘅代表，未來同江旻憓有更多合作。

何君堯繼續做「獨行俠」

事實上，議員會合組名單以獲得事務委員會分配席位。根據內務守則，5名議員合組嘅名單可獲1席，9人名單會有2席，14人名單會有3席，如此類推。黃錦輝辭職後，令所屬嘅「C15+」名單跌到13人，今次江旻憓「頂上」正正幫「C15+」保住席位。而目前立法會89名議員入面，只係得何君堯繼續做「獨行俠」，冇加入任何名單。