何沛珈(Roxanne)和阮嘉敏(Mandy)昨日(27日)出席出席《夫妻的博弈》宣傳活動，Roxanne角色經常被上司欺凌，與高海寧、楊卓娜、游嘉欣等女仔一齊自強成長，Mandy則演綠茶角色。劇集已在內地播出，Roxanne也有留意網民反應，不過Mandy就避開網絡平台，等香港播出才與觀眾同步睇劇。兩人自言角色性格與反差很大，正是演員的樂趣。
兩人現正拍攝《女神配對計劃2》，談到擇偶條件，何沛珈自言不是看外貌，即便阮嘉敏踢爆：「佢唔睇樣？鍾意張智霖、羅子溢、張凌赫！」Roxanne笑言透過節目認識自己，自認是外貌協會主席，Mandy就補充說，「佢都睇內涵，好睇另一半錫唔錫屋企人。但活到呢個年紀，都知現實與理想有距離。」她爆料有位入圍男生超級靚仔，「起初佢行出嚟，我哋覺得好一般，因為射燈遮住，點知行近過嚟，先知唔好意思，我哋錯……佢真係好靚仔：」不過兩人最後沒有撳燈，錯過了大好機會，Roxanne表示：「直頭要跪低道歉斟茶認錯！」
學習表情管理
問到靚仔程度時，Roxanne竟大爆：「你話可打贏TVB一般男仔……」Mandy立即喝止：「我要返工，仲有幾年約。」Roxanne就轉軚說：「可以打贏隔離台……」Mandy就形容：「我覺得拍得住魏淩笙！拍得住好啲，總之佢係零死角，真係好高質！」兩人拍節自時經常被多個鏡頭追蹤，Mandy就大爆Roxanne經常被林盛斌溫提，要好好控制表情。