李昊香港演唱會全身任摸。
29歲內地男歌手李昊，小時候曾在香港讀書，7歲時回內地生活，雖然在港知名度不高，但卻成功登上紅館舞台舉行演唱會，其兩場香港個唱昨晚已在紅館開鑼，請來港星姜皓文、陳國坤、李思捷站台任嘉賓，令演唱會充滿經典港產片元素。
被指搞cheap紅館
早前，李昊開show消息一出，香港網民表示「唔知乜水」，直至昨晚紅館騷結束，Threads更加是洗版熱議。事關李昊在個唱上，將紅館的握手位文化變成「任摸位」，見到他由前TVB綠葉楊證樺任及其他保安護駕下走近前排觀眾席，一邊唱歌一邊任摸，李昊由頭、面、胸到下半身均任摸唔嬲，有觀眾指「好核突啊仲要俾人摸到嗰度」，而李昊還一度企定定大方任摸，現場女fans表現相當熱情，毫不手軟。昨晚影片在Threads引發討論，有人留言「真系好似隻鴨咁，睇佢個死人樣都好似好享受啦」、「宜家紅館門檻真係低」、「紅館變鴨店？ 但佢都冇身材….」、「整到紅館個場cheap晒」，而今晚李昊繼續演唱會尾場會請來張柏芝擔任嘉賓。
