孫慧雪帶囝囝睇戲一定做足briefing 遺憾再沒機會跟黎彼得飲茶

孫慧雪今日帶囝囝出席經典音樂劇《貓 Cats》首映禮。談到近日網民就小朋友睇戲的禮儀問題，她表示做父母是應該要做一些事前準備功夫。她說︰「帶小朋友出街要brief佢哋，要同佢哋講一陣好多人，要有禮貌、見到人要叫人，唔好騷擾到人呢啲，其實每次都要brief下，真係好攰。」

她透露大仔比較文靜，所以帶他外出看戲的表現「OK」，並指因為兩個小朋友的年齡差距6年，最大挑戰是如何滿足兩位「大爺」。她說︰「細佬成日又要癡住我，見到我拖哥哥佢又要癡住，又要抱呢個、拖嗰個。」

談起黎彼得離世，曾跟他合作的孫慧雪透露對方是一個很正面的人，就算病得好辛苦都會以輕鬆的態度跟她說。她曾打算相約黎彼得飲茶，但對方的身體一直都不好，可惜再沒有機會陪他飲茶，非常不捨。