晚吹男人亂講嘢｜破格上演人體寫生 193笑問男裸模資格：有啲嘢粗粗先做到？

由郭嘉駿(193)、駱振偉 (Thor)、鄒凱光(灘叔)和譚凱倫(Helen)主持的ViuTV清談節目《晚吹 - 男人亂講嘢》，今晚(11日)播出的一集請來Nude Model(裸體模特兒)V仔現身說法，更在節目中破格上演裸體寫生，。灘叔經過整個寫生過程後，表示之前對V仔的批評「語氣重咗」，想收返之前的言論。

否認係裸體狂

今晚一集的嘉賓V仔，曾經兩次投稿，自爆喜歡在沙灘上裸體，感受大自然，但被眾主持誤會為裸體狂，今次特登現身節目為自己解釋，指自己只是享受在海邊裸體吹海風，認為這樣很Relax。而且V仔亦會找同性「睇水」，避免影響到異性。眾主持都對V仔作為Nude Model感到十分好奇，193問到：「係咪要對自己嗰方面好有自信先會去做Nude Model？」V仔反而認為自己對某些生殖器官「冇乜自信」，只是膽粗粗去嘗試和體驗，193就八卦追問：「除咗膽粗粗，做Nude Model都要有啲嘢粗粗先做到？」V仔笑而不語。