四哥骨灰已安放在寶福山
香港影壇傳奇人物「四哥」謝賢，上月因肺炎離世，享年89歲。為遵照四哥低調處理身後事的遺願，他以本名「謝家鈺」於粉嶺和合石火葬場低調進行火葬儀式。
據無綫娛樂新聞台昨日（10日）報道，四哥火化後骨灰已安放在寶福山，其靈位照片戴上招牌墨鏡和展示燦爛笑容，寫上本名謝家鈺，並跟圈中故友肥姐沈殿霞、張國榮及羅文為鄰，碑石僅寫上祖籍自廣東番禺及生卒年份。
難捨老友逐個離世
四哥於2008年接受TVB節目《向世界出發3》，曾經談到身後事安排，他當時表示，「我真係好想行到我人生最開心嗰時就拜拜，同時我一定話低俾我朋友同後人聽，千祈唔好搞大去，俾我靜靜地走咗去就最好。」他坦言最難接受是看著身邊的老朋友一個個離世，談到摯友肥姐(沈殿霞)離世時，更一度哽咽，「好似阿肥，我係好痛心佢走，因為我同佢關係好好，友情深厚，我記得佢拍第一部電影就係同我拍，我嗌叫阿肥阿肥，我好錫佢，佢突然得到呢個病，大家都知冇乜希望，都係都可以堅持咁耐，佩服到佢嘅精神到不得了，佢點解可以支持咁耐，就係為咗個女，所以我臨知道佢走嗰日係有少少……」說到此時，他深深嘆氣，哽咽道，「有少少唔開心……但我覺得佢走咗都好。」