朱鑑然被問起感情狀況時，不停遊花園。（娛樂組攝）
朱鑑然被雜誌拍到與跟一位貌似林憶蓮的短髮索女在西環拍拖，昨日他出席《浪花男女》首映時，被到感情狀況時支吾以對，更一度遊花園，在旁的楊偲泳就不停拉開話題幫朱鑑然解困。
由於朱鑑然在周刊的平台下留言「唔識」，連帶一眾圈中好友也跟風留言。當他聽到記者提問時，繼續扮網民笑謂：「咩人嚟？唔識！應該唔係我！唔識嗰啲咩人嚟，邊個嚟！唔識！」
正在了解中
對於周刊指女方是新歡，朱鑑然表示：「新歡？唔知呀，點寫係咩無所謂啦！」在旁的楊偲泳即謂：「係咪講緊麗英呀？」朱鑑然先說「唔好亂講！」期後楊偲泳再指「戲入面呀！」他立即表示在戲被麗英高分貝的聲音迷倒。至於他是否單身，他說：「我依家係單身⋯⋯你好想知咩？點解咁想知？」楊偲泳再解圍說：「有我哋嘛！」朱鑑然笑謂「三生有幸！」他續說：「都係了解中對象，我之前講過呢啲都係了解中嘅事，想保持番啲私隱，俾番啲空間佢。」問到會否邀請女方看《浪花男女》，他表示可以考慮。
