張寶兒晒家庭照，腹部微隆令人猜測是否懷第3胎。
現年34歲的張寶兒（Bowie）2020年與袁偉豪結婚，先後在2023年及去年11月誕下兩名可愛兒子「袁咕碌」與「袁氹氹」，組成幸福一家四口。早前，張寶兒曾自爆並未封肚，亦知道老公心意「恨生女」，但她直言若要迎接第三胎需付出三倍努力，目前想先專心照顧兩名兒子，一切隨緣。
昨日（19日）張寶兒在社交網貼出一家四口的家庭照，見她穿上白色長裙，袁偉豪和兩子則穿上杏色西裝，四人笑容燦爛，兒子更做出多個鬼馬表情，畫面溫馨。張寶兒留言：「一家四口又可以一齊影靚相，弟弟開始長大啦，哥哥又大個咗，又識得擺pose仲好識整古做怪，能夠見證住你哋嘅成長，爸爸媽媽好開心，仲有一班哥哥姐姐幫我哋記錄美好嘅呢一刻。」不過，相中最搶Fo，莫過於張寶兒多張側身照腹部微隆，即惹來網民猜測是否迎來第三胎喜訊。
